Həyəcan Çantası Nədir?

November 4, 2018

Həyəcan çantası, istifadəsinə heç vaxt ehtiyac olmayacağına ümid etdiyiniz bir vasitədir. Evdəki şkafda və ya avtomobilinizin yük bölməsində istifadəsiz qalıb toz yığması daha yaxşı olardı. Ancaq bir gün təcili çıxmaq məcburiyyətində qaldığınızda, belə bir çantanın və içində doğru əşyaların olması sizi sevindirə bilər.

 

Həyəcan çantası (ingiliscə Bug Out Bag), təbii fəlakət, qəza, hər hansı fövqəladə vəziyyət zamanı təxliyyə edilərkən 72 saat ərzində həyatda qalmaq üçün tələb olunan zəruri əşyalardan ibarət çantadır. İlk dəfə amerika hərbi aviatorları tərəfindən Koreya müharibəsi zamanı tətbiq edilib, sonralar isə həm hərbi, həm də mülki sahələrdə istifadə edilməyə başlayıb. Çatna adətən 72 saat - yəni 3 sutka üçün nəzərdə tutulur, lakin daha uzun müddət üçün hazırlanan dəstlər də mövcuddur.

 

Həyəcan çantasında məhz 72 saatlıq müddət üçün kifayət edəcək azuqə və təchizatın yığılmas təbii fəlakətlərin aradan qaldırılması və idarə olunması üçün cavabdeh təşkilatlar tərəfindən tövsiyyə edilir. Dövlət qurumlarının, xilasedicilərin təbii fəlakət və ciddi qəzalardan zərər çəkən insanlara yardımın planlaşdırması və xilasetmə əməliyyatlarının ünvanlaması üçün adətən 72 saat vaxt tələb olunur. Bu kritik müddət ərzində həyəcan çantası sizin həyatda qalmağınız üçün lazımdır. 

 

 

Həyəcan çantasındakı əşyaların sayı və tətbiq sahəsi müxtəlifdir. Lakin hər bir halda bu əşyaları 3 qrupa bölmək olar. 1-ci - VACİB, 2-ci - LAZIMLI, 3-cü isə YARDIMÇI. Əşyalar aşağıdakı kateqoriyalara bölünür:

 

  1. SIĞINACAQ VƏ GEYİM

  2. OD/İŞIQ

  3. MƏLUMAT VƏ SƏNƏDLƏR

  4. SİQNAL / RABİTƏ

  5. NAVİQASİYA

  6. SU

  7. QİDA

  8. İLK YARDIM, ŞƏXSİ GİGİYENA

  9. TƏHLÜKƏSİZLİK VƏ MÜHAFİZƏ

  10. QARIŞIQ

 

Hər bir kateqoriyaya 10 və daha artıq əşya daxildir. Bütün əşyalar əvvəlcədən çantaya yığılıb evdə, avtomobildə və ya iş yerində hazır vəziyyətdə saxlanılmalıdır. Bəzi əşyaların məhdud istifadə müddəti olduğundan cantanı mütəmadi nəzarətdə saxlamaq və vaxtı keşmiş əşyaları təzələri ilə əvəz etmək lazımdır. 

 

 

Bu siyahını həyəcan çantasını düzgün hazırlamaq üçün bir təlimat kimi qəbul edin. Bu məlumatlar könüllü tərk etmək məcburiyyətində qaldığınız və ya təxliyyə edildiyiniz təbii fəlakət, qəza və ya böhran ərazisində mümkün çətinliklərin öhdəsindən uğurla gəlməyə kömək edə bilər.

 

SİYAHININ PDF VERSİYASINI BURADAN ENDİRƏ BİLƏRSİNİZ

 

 

 

 

Share on Facebook
Share on Twitter
Please reload

Seçilmiş postlar

Yeni İl Hədiyyəsi üçün tövsiyələr

November 26, 2018

1/8
Please reload

Son yazılar